Probinsya sang Guimaras, ipaidalum sa Enhanced Level 2 response sa COVID-19 bangud sang padayon nga pagsaka sang kaso sa Western Visayas

By: JoMaque | August 10, 2020

Guimaras — Ginmandu ni Governor Samuel Gumarin nga ipaidalum ang probinsya sa Enhanced Level 2 Response sugod las 12:01 kaina sang kaagahon

Base man ini sa rekomendasyon sang Guimaras COVID-19 Executive Committee suno kay Vice Governor John Edward Gando bangud sang nagapadayon nga pagsaka sang COVID-19 cases sa Pilipinas ilabe na sa Rehiyon 6.

Bangud sini, nagpagguwa si Governor Gumarin sang Executive Order Number 63, series of 2020 para sa mga nagapauli nga Guimarasnon kag mga nagatabok sa probinsya halin sa Iloilo City kag Iloilo province.