By: JoMaque, Augujst 11, 2020

Iloilo — Ginsirado temporaryo ang Fish Port sa banwa sang Concepcion para sa disinfection.

Suno kay Mayor Raul Banias, naghimo sang disinfection ang team sang General Services Office sa bilog nga complex, lakip na sa cafeteria stalls.

Ini ang isa sa mga aksyon sang LGU, suno kay Mayor Banias, agud mapunggan ang paglapta sang COVID-19 sa banwa.

“Ang isa nga nag positive subong nga adlaw na quarantine na upod ang iya pamilya sa aton Isolation Facility. Ang aton 4 ka Contact Tracer Teams padayon ang pag pangita sang mga close contacts sining kasimanwa naton nga nag positive sa COVID,” suno sa alkalde.

Natalana buwas, Agosto 11, ang pag-swab sang testing team sa tanan nga contacts, “kag masugod man ang aton Targetted Mass Testing para sa aton Active Case Detection,” suno kay Banias.

Nagpakigsapol na ang taga-LGU sa presidente sang Fish Brokers Association nga si Mr. Kiko Posadas para sa mga tikang agud maaway ang COVID-19.

Liwat nga naghingyo si Mayor Banias sang kooperasyon sang tanan para sa safety kag pagbalik gilayon sang mga negosyo sa banwa.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply