By: Aine Grace Bravo

METRO MANILA, August 14, 2020 — Sa Oktubre 5, 2020 na ang pagbukas sang klase imbes nga sa Agosto 24.

Ini ang importante nga announcement ni DepEd Secretary Leonor Briones subong nga adlaw, Agosto 14.

Ang announcement ni Briones ginhimo bisan pa gin-anunsiyar niya kahapon lang nga “tuluy na tuloy na talaga ang opening of classes sa August 24.”

Paathag niya, “late last night” na niya nabaton ang memorandum nga pirmado ni Executive Secretary Salvador Medialdea nga nagapahayag nga gin-aprubahan ni Presidente Rodrigo Duterte ang rekomendasyon halin man sa DepEd nga paisulon sa Oktubre 5 ang pagbukas sang klase.

Dugang niya, “we had to stick with the law which says schools can open the last week of August the latest” samtang nagahulat sa desisyon sang pangulo sang ginpamangkot ang tiglikom kun ngaa sulit-sulit niya ginapahayag nga madayon ang pagbukas sang klase subong nga Agosto..

Sang nagligad nga bulan, nagpirma si Duterte sang kasuguan nga nagapahanugot sang pagbukas sang klase sa lain nga petsa.

Ginsulit ni Briones nga wala sang face-to-face classes.

“Uulit-ulitin ko, walang face-to-face classes. I am being cursed, galit na galit sa akin because I’m going to expose the children. That has never been the intention,” suno sa tiglikum. | via DepEd Philippines

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.