By: JoMaque | August 15, 2020

PASSI CITY, Iloilo – Ginkumpirmar ni Mayor Stephen Palmares nga may local transmission sang COVID-19 sa syudad.

Sa post sa LGU Passi City Facebook page, gin-report ni Mayor Palmares nga positibo ang resulta sang RT-PCR test sang anum ka miembro sang pamilya sang babaye nga medical frontliner nga una na nagpostibo sa COVID-19.

“It is with heavy heart to announce to everyone that we have our 1st Local Transmission. I am appealing to all Passinhons to follow the minimum health protocols as advised by the Department of Health to avoid the spread of the virus,” suno kay Mayor Palmares.

Suno kay Palmares, sang nagpositibo ang 23 anyos nga frontliner (Case No. 14 sa Passi City), naghimo ang City Government sang contact tracing kag gin-subject sa swab test ang mga miembro sang iya pamilya kag mga kasilingan nga na-identify nga close contacts niya.

Nagguwa ang resulta subong nga adlaw nga anum sa mga close contacts ang nagpositibo sa COVID-19.

Ginmandu ni Mayor Palmares ang pag-lockdown sa block sang Barangay Poblacion Ilaya sa diin naga-istar ang pamilya nga nagpositibo.

Ginsulit ni Mayor Palmares ang panawagan sa publiko nga i-obserbar ang minimum health protocols agud mapunggan ang paglapta sang COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply