3,420 new COVID-19 cases, na-record sa Pilipinas; Masobra 40,000 recoveries, nadugang
By: JoMaque | August 16, 2020
via DOH
Aksyon Radyo Iloilo
Naka-record sang 3,420 ka bag-o nga COVID-19 cases ang Pilipinas subong nga adlaw.
Sa press briefer ni DOH Undersecretary Maria Rosario Vergeire subong nga hapon, naglab-ut na sa 161,253 ang total cases.
Na-record man sang ahensya ang 40,397 ka mga bag-o nga recoveries nga nagdala sa kabug-usan nga 112,586 ang mga nag-ayo sa balatian.
Suno kay Health Undersecretary Maria Rosario Vergerie, sa amo nga numero, 914 ang gin-report subong nga adlaw samtang 39,483 ang time-based recoveries.
Naglab-ut naman sa 2,665 ang total fatalities sang nadugang ang 65 ka bag-o nga mga napatay.
Gin-anunsyar sang DOH sa press briefer nga maga-report ini sang “time-based recoveries” kada Domingo.