By: JoMaque | August 17, 2020

ILOILO CITY – Apat ka barangay sa Iloilo City ang gin-rekomendar nga i-lockdown bangud masobra sa apat ang COVID-19 cases.

Ginalakipan ini sang Sinikway, Mansaya kag Bo. Obrero sa Lapuz nga gin-rekomendar ipaidalom sa surgical lockdown samtang total lockdown sa Tanza Bonifacio, City Proper.

Sa Sinikway Lapuz, ginpahayag ni Barangay Kagawad Corazon Co nga apektado ang portion sang Block 4 kag portion sang Block 12. Ang barangay may apat ka kaso sang COVID-19.

Sa Bo. Obrero, Lapuz, ginpabutiyag ni Punong Barangay Ricardo Diño nga apektado ang portion sang Zone 3 kag duha ka balay sa Zone 1. May anum ka kaso ang barangay.

Sa Mansaya naman, apektado suno kay Punong Barangay Erico Hortillosa ang portion sang North Mansaya, portion sang Central Mansaya, portion sang South Mansaya kag portion sang New Site. May apat ka kaso sa barangay.

Total lockdown naman ang gin-rekomendar sa Tanza Bonifacio, City Proper suno kay Punong Barangay Willie Jamolo. 9 cases ang na-record sa barangay. | via Aksyon Ariel Solacito

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply