By: JoMaque | August 17, 2020

Iloilo City — Nagpositibo sa COVID-19 ang dugang nga pito ka mga personnel sa Western Visayas Medical Center.

Ini ang ginkumpirmar ni Dr. Stephanie Abello, chief pathologist sa WVMC.

Suno kay Abello, 30 ka mga healthcare workers ang nagpositibo sang Agosto 15 base sa laboratory results nga halin sa WVMC SubNational Laboratory.

5 sa amo nga numero ang mga healthcare workers sa WVMC nga ginabug-osan sang tag duha ka mga doctors kag nurses, kag isa ka midwife.

Sang Agosto 16 naman, lima ka mga healthcare workers ang nagpositibo base sa laboratory results sa WVMC SNL kag duha sa amo nga numero ang personnel sa nasambit nga ospital.

Doctor kag nurse ang nagpositibo. Gin-admit sa Iloilo Doctor’s Hospital ang nagpositibo nga doctor sang Agosto 16.

Nagkalain-lain ang areas of assignment sang mga nagpositibo.

Ginpa-swab sila bangud identified close contacts sang una na nagpositibo sa COVID-19 samtang ang iban ang kabahin sa lihok sang ospital sa pagpa-swab sa ila mga personnel.

Sang nagligad nga semana, anum ka mga medical technologists sa WVMC SNL ang nagpositibo.

May mga pasyente kag personnel man sa WVMC sang damlag lang nga nagpositibo sa COVID-19. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply