By: JoMaque | August 17, 2020

Barotac Viejo, Iloilo – Patay na sang nasapwan ang 16-anyos nga dalagita sa kilid sang creek nga natabunan sang hilamon sa San Lucas, Barotac Viejo.

Suno kay Police Captain Ken Albert Lepsia, hepe sang Barotac Viejo Police Station, mga las-5 subong nga hapon, nasapwan ang dalagita.

Base sa ila initial nga imbestigasyon, may impormasyon nga may ginhaboy sa creek kag sang ginpadulungan, nasapwan ang biktima.

Kagab-i, Agosto 15, ginpahayag ni Lepsia nga nagtanyag ang 30-anyos nga suspek sa dalagita nga idul-ong niya pauli.

Nadakpan sa hot pursuit operation ang suspek sa Buntatala, Jaro.

Ginpahayag sang suspek nga ginkaros siya sang biktima rason nga naimpito siya kag ginkuga niya ang dalagita.

Posible suno kay Lepsia nga may iban pa gid nga gintanyag ang suspek sa biktima rason nga ginkaros siya.

Gina-imbestigaran man ang anggulo nga ginhimuslan ang biktima. | via Aksyon Kikik Enar

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply