By: JoMaque | August 17, 2020

Iloilo City — Nagpa-athag ang Department of Health 6 sa indi na paghatag sang breakdown sa kada banwa ukon distrito sa syudad sang bag-o nga mga kaso sang COVID-19 sa Western Visayas.

Sugod sang Agosto 7, breakdown sa kada probinsya kag Highly Urbanized City na lang ang ginahatag nga impormasyon sang DOH6.

Ipaanggid sa ila format sadto nga lakip sa gina-report ang edad, sex, address, kag status sang nagpositibo.

Suno kay Dr. Marie Jocelyn Te, designated spokesperson sang DOH6, ‘gina-encourage’ sang DOH central office ang pagsunod nila sa bag-o nga template para sa ‘uniformity’.

“Sir, For the format of reporting, DOH central office encourages all CHDs to follow the new template for uniformity of reporting that the lists of confirmed cases and recoveries will be in numerical numbers only.”

Ginkuhaan sang Aksyon Radyo Iloilo sang pahayag si DOH6 Dir. Marlyn Convocar apang wala pa siya nakahatag.

Madamo nga mga netizens ang wala nanamian sa bag-o nga sistema sa pag-report sang DOH 6. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply