By: JoMaque | August 17, 2020

Iloilo City – Kabigon na nga locally stranded individual (LSI) ang sin-o man nga masulod sa Capiz kag mapaidalom sa 14-day quarantine.

Ini ang ginpahibalo sang Capiz Provincial Government paagi sa ila official Facebook page nga Capiz Kabalaka Information Center.

Sa mga Capizeño ukon indibidwal nga masulod sa Capiz border nga halin sa Iloilo City kinahanglan mag-presentar sang:

1. Valid ID
2. Medical certificate
3. Letter of acceptance
4. Travel authority

Ang mga public transport vehicles naman nga maagi sa provincial borders ang dapat magpakita sang manifesto sang mga pasahero sa border checkpoint.

Naga-isahanon lang ang siyudad sang Iloilo nga ginpaidalom sa General Community Quarantine (GCQ) sa mga lugar sa Western Visayas.

ORIGINAL POST: “Para sa mga Capizeño ukon mga Individual nga magsulod sa Capiz Border!!
kung ikaw naghalin sa Iloilo City
kinahanglan mo ang dugang nga requirements:
1. Valid ID
2. Medical certificate
3. Letter of acceptance
4. Travel authority

Ang tanan nga maghalin sa Iloilo City ang isa na LSI kag maga paidalum na sa 14-day Facility quarantine.” | via Capiz Kabalaka Information Center

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply