By: Aine Grace Bravo

BTAC. VIEJO, Ilo., August 18, 2020 — Patay ang lalaki sang ginpulihan tiro sang mag-utod sa People’s Village sa Vista Alegre, Barotac Viejo subong nga gab-i.

Ginkilala ni Police Captain Ken Albert Lepsia, hepe sang Barotac Viejo Police Station, ang biktima kay Rogelio Navarro, 35-anyos sang Brgy. Natividad, Barotac Viejo.

Suno kay Lepsia, posible nga ginsundan ang biktima sang mag-utod nga sanday Ike kag Ian Salbadico nga residente sang Vista Alegre sang nagkadto sa ila barangay ang biktima agud magbisita sa iya iloy nga naga-istar sa People’s Village.

Sa imbestigasyon sang mga pulis, may gin-file sadto nga kaso si Ike kay Navarro bangud ginbuno siya sang biktima.

Nagapati si Lepsia nga pagdumtanay ang motibo sa krimen.

May patal nga apat ka pilas sa ulo ang biktima. Gindala pa siya sa ospital pero gin-deklarar nga dead-on-arrival.

At-large suno kay Lepsia ang mga suspetsado nga gilayon nagpalagyo matapos ang krimen. | via Francisco Enar

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.