By: JoMaque | August 20, 2020

Iloilo City — Natukiban nga positibo sa COVID-19 ang duha ka tuig nga bata nga lalaki nga taga-Lapuz nga napatay.

Nahibaluan lang nga positibo siya sa virus tatlo ka oras matapos siya napatay.

Suno kay Mr. Jeck Conlu, designated spokesperson sang COVID-19 Task Force, las 9:00 kahapon sang aga, Agosto 19, sang napatay ang pasyente samtang admitted sa pribado nga ospital sa syudad.

Ginabanta las 12 sang udto kahapon sang naguwa ang resulta sang iya RT PCR test.

Agosto 15 sang gin-admit sa ospital kag gin-swab ang pasyente bangud may trangkaso kag diarrhea.

Upod sang bata sa pagpangabuhi ang iya lola nga ginpa-quarantine na.

Nagapadayon ang contact tracing sang City Health Office.

Ginpamangkot sang Aksyon Radyo Iloilo si Conlu kun diin nga barangay sa Lapuz nagapauli ang maglola apang wala niya gin-identify.

Ginakuhaan pa sang Aksyon Radyo Iloilo sang pahayag si Mayor Jerry Treñas kag ang City Health Office angut sini. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply