Manghod, patay sang gintiro sang iya magulang sa San Dionisio

By: JoMaque | August 22, 2020

ILOILO — Dead-on-arrival sa ospital ang 42-anyos nga lalaki sang gintiro sang iya magulang sa Barangay Tuble, San Dionisio kagab-i, Agosto 21.

Ginkilala ang napatay kay Sandy Agsaluna, nga may pilas sa dughan.Suno kay Police Captain Rene Del Castillo, hepe sang San Dionisio Police Station, may pagbinaisay nga natabu sa manghod kag magulang nga si Rene Agsaluna.

Hinubog ang ginasundan nga rason sang mga pulis sa natabo nga incidente.May na-recover nga 12 gauge shot gun sa crime scene, suno kay Castillo.

At large ang suspetsado.