By: JoMaque | August 22, 2020

Iloilo — Nagpaguwa sang Executive Order Number 59 si Dumangas Mayor Ronaldo Golez nga nagamandu sa pagsunod sa Executive Order 183 ni Iloilo Governor Arthur Defensor, Jr. may kaangtanan sa guidelines sa Modified GCQ.

Istrikto nga ipatuman ang pag-limit sa mass gathering sa diin 50% lang ang pasugtan sa mga simbahan.

Dumilian man suno kay Mayor Golez ang sugal sa belasyunan kag ang pagtipon-tipon agud mag-inom sang makahulubog nga ilimnon.

Samtang ipatuman ang curfew nga halin las-otso sa gab-i tubtob las-kuwatro sa kaagahon.

Suno kay Mayor Golez, naga-amat-amat na kuntani halug ang probinsya bilang preparasyon sa new normal.

Pero bangud sa na-record nga local transmission sang COVID-19 sa Dumangas, pagahugtan naman ang mga patakaran agud indi na madugangan ang mga positibo nga kaso.

Sa record sang Municipal Health Office sang Dumangas tubtob las-6 sa gab-i sang Agosto 20, may 11 ka active cases sang COVID-19 sa banwa.

17 ka barangay ang ginatutukan sang contact tracing team bangud sa madamo nga contacts sang mga nagpositibo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply