By: JoMaque | August 23, 2020

Iloilo City — 104 ang nagdugang sa kaso sang COVID-19 sa Western Visayas kahapon, August 22, base sa case bulletin number 148 sang Department of Health 6.

Sa amo nga numero, 101 diri ang local case suno kay Dr. Jessie Glen Alonsabe, ang epidemiologist sang DOH 6.

Sa bag-o nga mga nagdugang, 45 diri ang naghalin sa Bacolod City; 35 sa Negros Occidental; 13 sa Iloilo City; 10 sa Iloilo Province; kag isa sa Guimaras.

Wala naman sang na-record nga nagdugang sa Aklan, Antique, kag Capiz suno kay Dr. Alonsabe.

56 naman ang nagdugang sa mga recoveries samtang wala naman sang nagdugang sa mga napatay.

Sa kabug-usan, naglab-ot na sa 3,361 ang kaso sang COVID-19 ang Westen Visayas nga may 1,514 ka mga naka-recover kag 53 ka napatay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply