By: Aine Grace Bravo/Ariel Solacito

CAPIZ, August 24, 2020 — Ginkumpirmar ni Capiz Governor Esteban Contreras nga nag-positibo siya sa COVID-19 paagi sa iya address to the people of Capiz subong nga gab-i.

Suno kay Contreras, asymptomatic siya ukon wala sang sintomas nga nabatiyagan.

Kahapon, Agosto 23, siya gin-test. Subong nga adlaw, Agosto 24, nagguwa ang resulta sang iya RT PCR result nga nagapahibalo nga positibo siya sa virus.

Sang damlag lang, may duha ka empleyado sang Governor’s Office nga nag-positibo sa COVID-19 gani nagpaidalom siya sa swab test.

Gin-isolate naman ang mga nagka-contact sa iya kag ipaidalom man sa RT PCR test lakip ang iya mga empleyado.

Nagpanawagan man ang gobernador sa mga nagka-contact sa iya sugod sang Agosto 19 nga i-isolate man ang kaugalingon kag magpakig-angot sa Capiz Provincial Health Office agud ma-test man.

Sa subong naka-strict home quarantine si Contreras kag naga-coordinate sa iya mga doktor.

Sa pihak sini, ginpasalig niya nga magapadayon siya sa pag-trabaho. | via Capiz LGU

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.