By: JoMaque | August 24, 2020

Iloilo City — Temporaryo nga gin-lockdown sang tatlo ka adlaw ang Jaro Small Market nga nagsugod las 6:30 kagab-i, Agosto 23.

Ini ang ginpahibalo ni Iloilo City Mayor Jerry TreƱas bangud sa padayon nga pagdamo sang COVID-19 cases sa Simon Ledesma, Jaro.

Samtang, 22 ka kaso sang COVID-19 ang nadugang sa Iloilo City tubtub las 4 kahapon sang hapon.

Una nga gin-report sang Iloilo City COVID-19 Task Force ang 14 ka kaso halin las 12 sang tungang gab-i tubtub las 11 kahapon sang aga.

Nadugangan pa gid ini sang walo ka kaso halin las 11 sang aga tubtub las 4 sang hapon. | via Aksyon Jeremae Ventar

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply