Opisina sang LTFRB 6, i-lockdown bangud may nagpositibo sa COVID-19

By: Aine Grace Bravo

ILOILO CITY, August 24, 2020 — I-lockdown sang apat ka adlaw ang opisina sang LTFRB-6 bangud may nagpositibo nga isa ka empleyado.

Ini ang ginkumpirmar ni LTFRB 6 Director Richard Osmeña.

Suno sa iya, umpisa bwas, Agosto 25, i-lockdown ang opisina tubtob Agosto 28.

Lalaki nga taga-probinsiya sang Iloilo ang nag-positibo suno kay Osmeña kag naka-quarantine na.

Wala na gintumod ni Osmeña kun diin nga departamento ang nag-positibo.

Si Osmeña ang nag-suggest sa empleyado nga magpaidalum sa RT-PCR test bangud may mga kasilingan siya nga nagpositibo sa COVID-19.

Ginabanta masobra 45 ka mga empleyado lakip na si Director Osmeña ang ipaidalum naman sa RT-PCR test. | via Farrah Mae Morano