By: Aine Grace Bravo

ILOILO CITY, August 25, 2020 — Nagalab-ut na sa 3,651 ang total cases sang COVID-19 sa Western Visayas.

Sa case bulletin No. 151 sang DOH 6 nga gin-release subong nga gab-i, Agosto 25, 985 ka lab results ang gin-release sang lima sa pito ka laboratories sa rehiyon.

Sa amo nga resulta, 886 ang new negative, 97 ang new positive kag duha ang repeat positive.

Gin-report man sang DOH 6 ang 23 ka new recoveries kag isa ka new death. 2,043 pa ang active cases sang COVID-19 sa Western Visayas; 1,553 ang total recoveries kag 55 ang napatay.

Sa bag-o nga mga kaso, 93 ang local, duha ang authorized persons outside of residence, isa ang LSI kag isa ang ROF.

31 sa new cases ang taga-Iloilo City; 28 ang taga-Negros Occidental; 18 ang taga-Iloilo Province; 15 ang taga-Bacolod City; tatlo ang taga-Capiz kag tag-iya ang taga-Aklan kag Guimaras. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.