By: Aine Grace Bravo

ILOILO CITY, August 26, 2020 — Naglab-ut na sa 3,738 ang kabug-usan nga kaso sang COVID-19 sa Western Visayas.

Suno kay Dr. Marie Jocelyn Te, designated spokesperson sang DOH 6, base sa ila Case Bulletin No. 152 subong nga adlaw, Agosto 26, 1,225 ka resulta sang tests ang gin-release sang anum ka laboratories sa rehiyon.

Sa amo nga numero, 87 ang new confirmed cases kag 150 ang new recoveries. Wala naman sang nadugang sa napatay.

Sa bag-o nga kaso, lima ang returning overseas Filipinos kag 82 ang local cases.

Na-record ang new cases sa masunod nga mga lugar:
Capiz – 2
Iloilo Province – 6
Iloilo City – 8
Negros Occidental – 26
Bacolod City – 45

Sa 3,738 total cases sang COVID-19 sa rehiyon, 1,980 pa ang active cases; 1,703 ang total recoveries kag 55 ang total deaths. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.