By: Aine Grace Bravo

TUBUNGAN, Ilo., August 26, 2020 — Nakit-an ang tul-an sang bata babaye sa Barangay Adgao, Tubungan pasado las 11:00 kaina sang aga, Agosto 26.

Suno kay Police Lieutenant Rommel Jose Samson, hepe sang Tubungan Police Station, nagtawag sa ila ang Punong Barangay sang Adgao kag nagpahibalo nga may tul-an sang tawo nga nakit-an sa kakahuyan.

Na-identify nga babaye ang tul-an nga nakit-an bangud sa palda nga striped kag bag nga pula sa area.

May nakita nga ID nga nakapangalan sa gin-report missing sang 2018.

Ginpahayag ni Samson nga base man sa ginpa-blotter sang pamilya sang 2018, may pula nga bag ang 13 anyos nga dalagita nga wala nakapauli halin sa eskwelahan.

Napahibalo na suno kay Samson ang pamilya sang bata nga na-missing, kag nagkadto man kaina sa lugar ang amay.

Ipaidalum sa DNA test ang tul-an agud masigurado ang identity.

Ginatinguhaan pa sang Aksyon Radyo nga makuhaan sang pahayag ang pamilya sang bata. | via Angel Mae Ciudad

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.