By: JoMaque | August 27, 2020

Iloilo City — Ginahangkat ni Committee on Peace and Order chairman Councilor Jojo Javellana ang ICPO kag Molo PNP nga i-resolve kag maghatag sang hustisya sa 17-anyos nga gintiro-patay sa Salvacion Habog-Habog, Molo.

Suno kay Javellana, madamo na sang pinatyanay sa syudad bangud sang riding-in-tandem criminals apang tubtob subong, wala gihapon nakahatag sang impormasyon ang pulis sa mga riding-in-tandem.

Ginahangkat man sang konsehal ang kapulisan nga pauntaton ang mga riding-in-tandem killers.

Dugang pa niya, dapat ipakita nila nga masarangan nila proteksyunan ang mga residente sang Iloilo City.

‘Gina-accept ko ‘na’

Ginabaton ni Iloilo City Police Office OIC PCOL Alexis Relado ang panghangkat ni Councilor Javellana sa mga pulis nga solbaron ang pagpatay sang riding-in-tandem kay Jhon Paolo Yson alyas Pao-Pao.

Suno kay Relado, daku nga panghangkat sa iya ang natabu nga krimen bangud, “apat pa lang ka adlaw sugod nga nagpungko ako as caretaker sang ICPO, amo dayon ini ang nagsugat sa akon.”

Ginpasalig man ni Relado sa publiko nga, “ang police, wala nagapabaya kag himuon namon ang tanan namon nga dapat himuon para mahatag ang hustisya sa pamilya (sang solterito).”

MISTAKEN IDENTITY

Sa personal opinion ni Relado, nasal-an lang si Yson base sa mga sirkumstansya.

“Ang aton nga direksyon, didto gid nagapakadto sa mistaken identity because sa aton imbestigasyon, nagaguwa nga ang jersey nila (biktima kag posible target), pareho gid color,” suno pa kay Relado.

Nagtukod si Relado sang focus team nga magatutok sa imbestigasyon agud gilayon nga masolbar ang krimen.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply