By: JoMaque | August 30, 2020

Iloilo City — Ginkumpirmar ni Dumangas Mayor Ronaldo Golez nga isa si Vice Mayor Almar Marfito sa anum ka mga nagdugang nga positibo nga kaso sang COVID-19 sa banwa.

Upod sang Vice Mayor nga nagpositibo ang duha ka mga SB members sa banwa nga wala na ginpangalanan pa ni Golez.

Naka-facility quarantine na ang mga opisyal sang banwa nga lunsay mga asymptomatic.

Nagpositibo man ang Punong Barangay sang Tamboilan.

Ginahibalo pa subong ang mga barangay nga ginpangkadtuan sang kapitan bangud sang impormasyon nga naglagaw pa siya bisan nga gin-swab dugang pa ni Golez.

Resulta sang local transmission ang pagpositibo sang mga opisyal suno sa alkalde.

Subong ginahulat pa ni Golez ang rekomendasyon sang contact tracing team sang banwa kun ano nga mga barangay ang i-lockdown.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply