By: JoMaque | August 31, 2020

Iloilo City — Nagsaka na sa 37 ka pulis sa Western Visayas ang natapikan sang COVID-19 as of August 30.

Suno kay PLt. Colonel Joem Malong, spokesperson sang Police Regional office 6, sa 37 ka pulis nga nagpositibo sa COVID-19, 20 diri ang active cases.

Sa 20 nga active cases, anum ang halin sa regional headquarters, lima sa RPHAU, isa sa Capiz, lima sa Iloilo City, isa sa Negros Occidental kag duha ka NUP.

Gin-athag man ni Malong nga assigned sa nagkalain-lain nga lugar sa rehiyon 6 ang 5 nga nagpositibo nga halin sa RPHAU.

Naglab-ut naman sa 16 ang naka-recover nga mga pulis sa COVID-19 kag isa ang napatay.

Ginpabutyag man ni Malong nga may mga ginahulat pa sila nga resulta sang ila personnel nga gin-test sang August 18, kag August 19. | via Aksyon Angel Mae Ciudad

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply