2 staff ni Councilor Frances Grace Parcon, nagpositibo sa COVID-19
By: JoMaque | September 1, 2020
Iloilo City — Duha pa ka staff ni City Councilor Frances Grace Parcon ang nagpositbo sa COVID-19.
Ginpahibalo ini sang konsehal sa iya Facebook post.
Base sa post ni Parcon, asymptomatic ang duha niya ka staff nga nagpositive kag yara na sa quarantine facility.
Ginpahibalo man sang konsehal nga negatibo ang iya nga RT-PCR test result kag nahatagan na siya sang quarantine clearance matapos nakompleto ang iya 14-day quarantine.
Ginpangabay ni Parcon ang kooperasyon sang tanan agud nga matapna na ang COVID-19.