PLTGEN Camilo Cascolan, gin-appoint ni PRRD nga bag-o nga PNP chief

By: Aine Grace Bravo

METRO MANILA, September 1, 2020 — Ginkumpirmar ni DILG Sec. Eduardo Año nga gin-appoint ni Presidente Rodrigo Duterte bilang bag-o nga PNP chief si PLTGEN Camilo Cascolan.

Suno kay Año, “President Duterte has just signed his appointment paper.”

Buslan ni Cascolan sa pagpamuno sa 209,000 ka mga pulis si PNP chief PGEN Archie Gamboa nga magaretiro buwas, Setyembre 2.

Si Cascolan ang PNP Deputy Chief for Administration antes ang iya appointment bilang bag-o nga PNP chief.

Classmates ni Cascolan sa PMA Class ’86 sanday Gamboa kag former PNP Chief Oscar Albayalde.

Si Cascolan nga nakapangasawa sang Ilongga ang nakapungko man nga Director sang National Capital Region Police Office (NCRPO) sang 2018.

Nakaserbe man siya sadtu sa Philippine Constabulary.

Si Cascolan ang may master’s degree sa Public Management sa University of the Philippines-Visayas.

Antes siya gin-appoint ni former PNP Chief kag subong Senador Ronald “Bato” Dela Rosa nga PNP Director for Operations sang 2016, si Cascolan ang Deputy Regional Director for Administration sa Police Regional Office 6. | via PTV/GMA