By: JoMaque | Sept. 2, 2020

Indi na pag-ipaidalum sa 14-day quarantine kag indi naman pag-i-require ang repeat RT-PCR test sa mga returning overseas Filipinos (ROFs) pag-abot nila sa ila banwa ukon siyudad.

Ini ang ginkumpirmar ni OWWA 6 Director Rizza Joy Moldes base sa gin-issue nga NTF Against COVID-19 Order nga nagaplastar sang operational guidelines sa pag-manage sang mga ROFs.

Suno kay Moldes, “effective immediately” ang amo nga mandu nga pirmado ni Defense Secretary kag Chief of the National Task Force Against COVID-19 Delfin Lorenzana pero kinahanglan pa nila ang dugang nga memorandum para ma-implementar ini sa rehiyon.

Base sa mandu “all ROFs in good health with a testing document showing a negative RT-PCR result for COVID-19 shall not be subjected to another 14-day quarantine by the receiving LGUs.”

Dugang ni Moldes, “There is no need for them to take a repeat RT-PCR exam upon arrival to their home provinces.”

Ginpa-athag ni Moldes nga kinahanglanon gihapon ang negative RT-PCR test result halin sa point of origin sang ROF pero indi na sila pag-ipaidalum liwat sa swab test pag-abot nila sa ila destinasyon ukon banwa ukon siyudad.

Suno pa kay Moldes magapabilin ang guidelines para sa Locally Stranded Individuals (LSIs).

Sa guidelines, ang mga LSIs wala na gina-require sang negative RT-PCR test result para makapauli pero dapat sila nga magpaidalum sa swab test pag-abot nila sa ila destinasyon.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply