By: JoMaque | Sept. 2, 2020

ILOILO CITY– Ginbawi na ang alcohol ban sa Iloilo City apang mahimo lang makabakal tubtob las 6 sa gab-i.

Base sa Executive Order ni Mayor Jerry TreƱas, ang pag-inom sang makahulubog nga ilimnon sa mga restaurants ang tubtob las 8 sa gab-i.

Ginadumilian man ang pag-inom sa pampubliko nga lugar pareho sang tiangge, sari-sari store kag convenience stores.

Samtang, base naman sa EO, ipatuman ang curfew, las 10 sa gab-i tubtob las 4 sa aga.

Sa idalom sang MGCQ, ginadumilian sa gihapon ang bulang, nightclubs, kag pubs.

Ginapahanugutan naman nga mag-operate sang 50% ang mga hotels, mga naga-offer sang personal care services, gym kag fitness studio, testing kag tutorial services, review centers, internet cafes kag sinehan.

Ginapahanugutan naman nga mag-operate sa 75% ang dine in restaurants kag food establishments, kag mga barbershops kag salons.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply