By: Aine Grace Bravo

ILOILO CITY, September 3, 2020 — Naglapaw na sa 5,000 ang total cases sang COVID-19 sa Western Visayas.

Base sa latest bulletin sang Department of Health (DOH) 6 subong nga hapon, Setyembre 3, 157 ka bag-o nga kaso, 130 ka new recoveries kag tatlo (3) ka new deaths ang gin-report.

Nagdala ini sang total cases sa 5,140 –2,397 ang active cases; 2,616 ang total recoveries kag 83 ang total deaths.

Sa bag-o nga mga kaso, 149 ang local, apat ang returning overseas Filipinos (ROFs), tatlo (3) ang locally stranded individuals kag isa (1) ang authorized person outside of residence (APOR).

Na-record ang new cases sa:

Bacolod City – 59
Iloilo City – 47
Negros Occidental – 28
Iloilo Province – 18
Capiz – 2
Guimaras – 2
Aklan – 1

Naghalin naman ang new recoveries sa:

Iloilo City – 47
Iloilo Province – 29
Guimaras – 27
Capiz – 15
Bacolod City – 10
Antique – 2

Samtang, ang gin-report nga nadugang nga napatay amo ang masunod:

63 anyos nga lalaki, taga-Molo, Iloilo City (napatay sang Agosto 23);
56 anyos nga lalaki, taga-San Enrique, Iloilo (napatay sang Agosto 28); kag
53 anyos nga lalaki, taga-Arevalo, Iloilo City (napatay sang Agosto 23). | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.