DOH 6, nag-report sang 206 new confirmed COVID-19 cases, 68 new recoveries, 3 new deaths sa Western Visayas
By: Aine Grace Bravo
ILOILO CITY, September 4, 2020 – Gin-report sang Department of Health (DOH) 6 ang 206 ka bag-o nga confirmed COVID-19 cases sa Western Visayas, ang pinakamadamo nga gin-report sa sulod sang isa ka adlaw sa rehiyon.
Gin-anunsyar man ni DOH 6 designated spokesperson Dr. Jessie Glen Alonsabe ang 68 ka nadugang sa naka-recover kag tatlo ka napatay.
Sa bag-o nga mga kaso, 192 ang local, apat ang locally stranded individuals, tagduha ang authorized persons outside of residence kag returning overseas Filipinos kag anum ang gina-verify pa ang category.
Gin-report ang new cases sa:
Bacolod City – 89
Negros Occidental – 85
Iloilo City – 23
Iloilo Province – 9
Ang new recoveries naghalin naman sa:
Iloilo Province – 32
Iloilo City – 18
Bacolod City – 13
Capiz – 3
Guimaras – 2
Samtang, gin-report nga napatay ang mga masunod:
60 anyos nga lalaki, taga-Arevalo, Iloilo City (napatay sang Agosto 19);
53 anyos nga lalaki, taga-Arevalo, Iloilo City; kag
50 anyos nga babaye, taga-Estancia, Iloilo (napatay sang Agosto 23).
Ang Western Visayas may 5,346 total cases sang COVID-19 as of September 4, 2020 –2,532 pa ang active cases; 2,728 ang total recoveries kag 86 ang total deaths. | via DOH 6