Lalaki nga bag-o lang guwa sa presuhan, dakup sa drug buy bust operation sa Molo

By: JoMaque | Sept. 5, 2020

Iloilo City — Dakup sa drug buy bust operation ang 30-anyos nga lalaki sa North Baluarte, Molo.

Ginkilala ang subject Irish Dela Cruz, residente sang Tanza Bonifacio, City Proper.

Suno kay Police Major Engilbert Banquillo, hepe sang Molo Police Station, nadakpan man sang 2016 sa buybust operation si Dela Cruz.

Sang nagligad lang nga bulan nakaguwa sa presuhan si Dela Cruz suno kay Banquillo, apang liwat nila nga na-monitor nga nagbalik sa illegal nga activity.

Nabaklan sang duha ka dalagko nga sachets sang suspected shabu nga nagabalor sang P32,500 ang subject.Ginpahayag sang subject, suno kay Banquillo, nga nagakuha siya sang supply kay Ryan Hechanova nga nadakpan sa buybust sa Jaro kagab-i, Setyembre 3.

Detain sa Molo police station ang subject.