40-anyos nga babaye sa Passi City, nagpositibo sa COVID-19

By: JoMaque | Setyembre 7, 2020

ILOILO – Nadugangan ang kaso sang COVID-19 sa Passi City subong nga adlaw.

Suno kay Passi City Mayor Stephen Palmares, nag-positibo sa COVID-19 ang 40-anyos nga babaye.

Ginpaidalom ang babaye sa RT-PCR test sang Setyembre 4 kag subong nga adlaw nabaton sang Passi City Government ang impormasyon nga infected siya sang virus.

Close contact ang babaye sang iya iloy nga taga-San Juan, Molo, Iloilo City kag admitted subong sa ospital sa Iloilo City bangud man sa COVID-19, dugang pa ni Palmares. | Via LGU Passi City FB Page