229 new COVID-19 cases, na-record sa Western Visayas

By: Aine Grace Bravo/Ariel Solacito

ILOILO CITY, September 8, 2020 — 229 ka bag-o nga kaso sang COVID-19 ang nadugang sa Western Visayas subong nga adlaw, Setyembre 7.

Suno kay Dr. Marie Jocelyn Te, designated spokesperson sang Department of Health 6, nagtimbuok sa 6,382 ang kabug-usan nga kaso sa rehiyon lakip ang 3,038 ka active cases.

Sa bag-o nga kaso, 199 gid ang local, tatlo ang returning overseas Filipinos (ROFs), 2 APOR kag 25 pa ang gina-verify ang category.

BREAKDOWN SANG BAG-O NGA KASO:
Aklan — 4 cases
Antique — 2 cases
Capiz — 5 cases
Guimaras — 1 case
Iloilo Province — 26 cases
Iloilo City — 28 cases
Negros Occidental — 31
Bacolod City — 132

Gin-report man ni Te ang 217 ka bag-o nga recoveries rason nga nagsaka sa 3,250 ang kabug-usan nga nag-ayo sa COVID-19 sa rehiyon.

Samtang, nagsaka sa 94 ang total deaths sa rehiyon sang nadugang ang apat ka new fatalities. | Via DOH 6