By: Aine Grace Bravo

METRO MANILA, September 8, 2020 — Masobra na 241,000 ang kaso sang COVID-19 sa Pilipinas.

Gin-report sang Department of Health (DOH) ang 3,281 new cases subong nga adlaw, Setyembre 8.

Bangud sini, nagalab-ut na sa 241,987 ang kabug-usan nga kaso sang COVID-19 sa pungsod –52,893 pa diri ang active cases.

Nagpanguna gihapon ang National Capital Region nga may pinakamadamo nga bag-o nga kaso nga naglab-ut sa 1,420. Nagasunod ang Cavite nga may 263 ka kaso; Negros Occidental nga may 204 cases; Laguna nga may 197 ka kaso; kag Rizal nga may 196 new cases.

Gin-report man sang ahensiya ang 286 new recoveries kag 26 new deaths.

Bangud sini, nagsaka na sa 185,178 ang total recoveries kag 3,916 ang total deaths sa COVID-19 sa pungsod. | via DOH

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.