By: JoMaque | Sept. 8, 2020

Iloilo City — Gindepensahan sang Western Visayas Medical Center management ang rekomendasyon sang ila doktor sa pagkabig nga suspect case sang COVID-19 ang siyam ka tuig nga bata nga babaye nga napatay pagkatapos nabungguan sang multicab gani dapat ma-cremate.

Suno kay WVMC designated spokesperson for COVID-19 response Richard Saltin, nagdesisyon ang doktor nga dal-un ang pasyente sa Emergency Room para sa COVID-19 patients pagkatapos na-assess ang iya history. 

Wala naman sang available information si Saltin kun ano nga mga sintomas sang COVID-19 sang pasyente.

Kinahanglan man suno sa iya nga dal-un ang pasyente sa ER para sa COVID-19 patients bangud didto nahamtang ang mga gamit nga kinahanglan sa pagtatap sa iya.          

Bangud sang exposure sang bata sa iban nga mga pasyente sa ER para sa mga COVID-19 patients, ginpa-swab siya agud makasiguro kun may COVID-19.

Ginpahayag sang iloy nga si Mrs. Emma Agodilos nga napatay na ang iya bata sang gin-swab.

Base sa DOH kag DILG Joint Memorandum Circular Number 1, kinahanglan ilubong ukon i-cremate ang bangkay sang tanan nga suspect, probable, ukon confirmed cases 12 oras pagkatapos napatay ang pasyente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply