622 indibidwal sa Probinsya sang Iloilo, nadakpan bangud wala nagasuksok sang face mask sa pampubliko nga lugar sang Agosto 18-Setyembre 7
By: JoMaque | Setyembre 9, 2020
ILOILO — Naglab-ut sa 622 ang na-apprehend sang kapulisan sa probinsiya sang Iloilo bangud wala sang suksok nga face mask sa mga pampubliko nga lugar.
Base ini sa record sang Iloilo Police Provincial Office (IPPO) halin sang Agosto 18 tubtob Setyembre 7, suno kay spokesperson Police Master Sergeant Francisco Lindero.
Sa amo nga numero suno kay Lindero, 397 ang namultahan, 217 ang ginpaandaman kag walo gid ang gin-aresto sang kapulisan.
Sa gin-multahan, Ajuy ang may pikamadamo nga naglab-ut sa 61, ginasundan sang Cabatuan nga may 43, Leon nga may 40, Leganes nga may 39, kag San Dionisio nga may 31.
Gin-athag ni Lindero nga mas manubo ang numero sa amo nga period kumparar sa nagliligad nga binulan.
Ang probinsiya sang Iloilo, may ordinansa nga mandatory ang pagsuksok sang face mask sa mga pampubliko nga lugar.| Via PM Reports