By: JoMaque | Setyembre 9, 2020

Nakutkutan ang bangkay sang lalaki nga may mga pilas sang pagkatiro sa Barangay Punda Dalipe, San Jose, Antique kahapon sang aga, Setyembre 8.

Nakasukson sang blue-green nga cargo pants, puti nga t-shirt, kag blue nga sapatos ang lalaki, ginabanta naga-edad sang 35 anyos pasaka kag mga 5’6 ang kataason.

Base sa imbestigasyon sang San Jose MPS, las 2 sang kaagahon sang Setyembre 8, may nabatian nga nilupok sang pusil ang mga residente sa lugar.

Suno kay Lt. Arturo Margallo Jr. deputy chief of police sang San Jose MPS may residente nga nagpahibalo sa ila punong barangay parte sa ila nabatian. Sang gin-check ang area, may nakit-an sila nga kinutkutan nga duta kag pala. May nakita man nga tinulo sang dugo sa lugar.

Gin-report sang mga residente ang ila nakit-an sa pulis kag sang gin-ukay ang duta, natukiban nga may ginlubong nga bangkay.

Ginabanta sa anum ka tapak ang kadalumon sang buho nga ginlubngan.

Wala pa sang identity ang police sa lalaki. | via Aksyon Dave Bucayan

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply