By: JoMaque | September 10, 2020

ILOILO CITY – Kanselado na naman ang pagpauli sang mga locally stranded individuals sa siyudad sang Iloilo bangud sa Resolution No. 69 sang national Inter-Agency Task Force nga nagapatuman sang moratorium sa pagpauli sang mga LSIs sa Western Visayas halin Setyembre 7-21, 2020.

Suno kay Iloilo City COVID-19 team designated spokesperson Jeck Conlu, nabaton na nila ang kopya sang resolution halin sa national IATF gani ila sundon ang mandu.

Sundon sang syudad ang national IATF bisan pa nga may statement nga ginpaguwa ang regional IATF nga Bacolod City, Roxas City kag Capiz lang ang sakup sang moratorium bangud ang amo lang nga mga LGUs ang may request.

Ginpahayag ni Conlu nga wala sila sang nabaton nga guidelines ukon sulat sa advisory sang regional IATF.

“We can’t just follow a verbal announcement. Ang aton gina-follow, is ang official nga papel nga ginapadala,” suno kay Conlu.

“For now, sa LSIs, ang amon panindugan kag amon paghangup, pag-intiendi.. ang papel nga ari diri sa amon is region-wide sa Western Visayas ang ginatumod (sang national IATF),” ang dugang ni Conlu.

Gin-athag ni Conlu nga wala sang request ang Iloilo City Government nga magpatuman sang moratorium sa pagpauli sang mga LSIs, pero naka-istorya si Mayor Jerry Treñas kay IATF Deputy Implementer for Visayas General Melquiades Feliciano may kaangtanan diri.

“CONFLICTING ISSUANCES”

May konflikto ang pila ka issuances sang national IATF kag regional IATF gani nagapang-alang-alang man ang mga LGUs kun sin-o ang sundon, suno kay Conlu.

Magluwas sa isyu sa moratorium sang mga LSIs, may conflicting issuance man suno kay Conlu ang national IATF kag RIATF sa pagpauli sang mga returning overseas Filipinos. “Manabat bala kami sa national IATF kun ang sundon namon ang regional IATF? Or manabat bala kami sa regional IATF kun ang sundon ang national IATF?”

Nagpadala na ang City Government sang sulat sa national IATF agud mangayo sang kaathagan sa wala nagasantu nga mga issuances nila sang regional IATF.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply