By: JoMaque | Sept. 12, 2020

Iloilo City — Nag-agi sa 3-day trial ang pagpinta sang bike lane sa siyudad.

Ini ang gin-athag ni Engr. Salvador Pedregoza, officer-in-charge sang Iloilo City Engineer’s Office kasunod sang pagkapanas sang pinta matapos naulanan.

Suno sa iya ginpaidalum sa trial ang pinta para maobserbahan.

Una ini nga gingamit sa Molo tubtob sa UP area kag “okay” man suno sa iya ang resulta.

Pero sang nagsaylo na sa asphalt surface agud ma-test gihapon ang pinta, diri na kag napak-ad sang naulanan.

Gintumod ni Pedregoza ang 50-linear meters nga napanas sa General Luna Street, city proper.

Indi suno sa iya magbaton sang latex ang aspalto kag “lain ang na-provide nga pinta.”

Magapakigsapol ang CEO sa nag-donate sang pinta nga Boysen para masolusyunan ang problema.

Gin-athag ni Pedregoza nga wala sang gasto ang city government sa pagbakal sang pinta pero iya gin-ako nga siyudad ang nagbayad sa labor ukon sa nagpaminta.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply