By: JoMaque | September 13, 2020

Iloilo — Gindakop ang anum ka mga pulis nga babaye bangud nadakpan nga naga-inom sang makahulubog nga ilimnon sa pampubliko nga lugar sa Sara.

Suno sa Police Regional Office 6, nadakpan nga naga-inom ang anum ka sa Montejo’s Restaurant sa Brgy. Pasig, Sara la 1:00 kaina sang hapon, Setyembre 12.

Ang mga nadakpan amo kanday:

1) Pat Jean Tiongco, 25 anyos
2) Pat Jeseel Cordivito, 26 anyos
3) Pat Ma. Lorena Semilla, 26 anyos
4) Pat Rose May Ogboc, 21 anyos
5) Pat Shane Grijaldo, 26 anyos
6) Pat Pearl Joy Araneta, 25 anyos

Gindala sila sa Sara Police Station.

Ang natungdan nga mga pulis ang nagahanas sa idalum sang Basic Internal Security Operations Course (BISOC).

Paglapas sa Executive Order No. 025-D ang ginpasaka sa ila.

Suno naman kay Major Jose Nemias Pamplona, hepe sang Sara Police Station, pasakaan man sang kaso criminal ang mga nadakpan.

Nagsumiter man sila sang investigation report sa Regional Investigation and Detective Management Division (RIDMD) para sa kaso administratibo nga mahimo man ipasaka sa ila.

Ginatinguhaan pa sang Aksyon Radyo Iloilo nga makuhaan sang pahayag ang natungdan nga mga pulis kag ang tagdumalahan sang restaurant. | via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply