By: JoMaque | September 14, 2020

ILOILO –Pito sa 89 ka mga punong barangays sa Pilipinas ang halin sa Region 6 nga gin-suspend bangud sa anomalya sa tagtaganay sa first trance sang Social Amelioration Program (SAP) subsidy.

Base sa press release sang DILG, ang pito ka mga punong barangays amo sanday Tezardo M. Tejada sang Barangay To-oy, Himamaylan City, Negros Occidental; Evelyn C. Ta-asan sang Barangay 11, Bacolod City, Negros Occidental kag Noli Villarosa sang Barangay Tangub, Bacolod City, Negros Occidental; Kim C. Piramo sang Barangay 19, Bacolod City, Negros Occidental; Romeo Sultan sang Barangay Salamanca Toboso, Negros Occidental; Ruel Sabequil sang Barangay Cabungahan, Calatrava, Negros Occidental; kag Tito Dipon Barnuevo of Barangay Linao, Panay, Capiz.

Suno kay Interior Secretary Eduardo Año, anum ka bulan ang suspension sang nasambit nga mga opisyal.

Ginpahayag naman ni DILG Undersecretary kag spokesperson Jonathan Malaya nga una matabo sa pungsod ang mass suspension sa 89 ka mga punong barangays kag latest nga tikang sang ahensiya agud ma-aksyonan ang korapsyon sa implementasyon sang SAP.

Sa kabug-usan, 447 ka mga indibidwal ang nagapangatubang sang kaso may kaangtanan sa SAP sa diin 211 sa ila ang elected local kag barangay officials, 104 ang appointed barangay officials kag 132 ang gin-alegar civilian co-conspirators.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply