Western Visayas, nadugangan sang 193 new cases sang COVID-19 kahapon, Sept. 12
By: JoMaque | September 13, 2020
Nadugangan sang 193 ang kaso sang COVID-19 sa Western Visayas base sa case bulletin number 169 sang Department of Health 6 kahapon, September 12.
Sa mga nagdugang, 163 ang local cases, isa ang APOR, isa ang LSI, kag isa man ang returning overseas Filipinos.
Gina-verify pa ang classification sang 27 ka iban nga lakip man sa mga nagdugang.
Pinakamadamo sa mga bag-o nga kaso ang naghalin sa Bacolod City nga may 129; Iloilo City nga may 27; Negros Occidental nga may 17; Capiz nga may 11; Iloilo Province nga may pito; kag Guimaras nga may duha.
359 naman ang nagdugang sa mga naka-recover nga ginabug-san sang 225 ka taga-Negros Occidental; Bacolod City nga may 100; kag 25 nga taga-Probinsya sang Iloilo. Samtang may walo naman ka nagdugang sa mga napatay.
Lima diri ang taga-Iloilo City; Duha ang taga-Negros Occidental; kag isa ang taga-Iloilo Province.
Sa kabug-usan, 7,336 na ang kaso sang COVID-19 sa Rehiyon 6 – 3,117 diri ang active cases; 4,102 na mga nag-ayo; kag 117 ang mga napatay. | via DOH 6