6 pulis nga nadakpan naga-inom sa pampubliko nga lugar sa Sara, Iloilo, nakaguwa na sa presuhan

By: Aine Grace Bravo

SARA, Ilo., September 14, 2020 — Nakaguwa na sa presuhan ang anum ka pulis nga nadakpan naga-inom sang makahulubog nga ilimnon sa restaurant sa Brgy. Pasig sang Setyembre 12.

Suno kay PMAJ Jose Nemias Pamplona, hepe sang Sara Police Station, nag-lapse ang 12-hour reglementary period of detention sang anum rason gin-release sila kaina sang kaagahon.

Kaina man sang aga, ginpasaka ang criminal case sa paglapas sa Article 151 (disobedience) sa Revised Penal Code in relation to Executive Order 025-D ni Sara Mayor Jon Aying batok sa mga ginareklamo.

Gin-relieve sila pakadto sa Regional Personnel Holding and Accounting Unit (RPHAU) kag gina-imbestigaran man sa kaso administratibo nga mahimo ipasaka batuk sa ila. | via Aljohn Torreta