By: Aine Grace Bravo

ILOILO CITY, September 14, 2020 — Masobra na 7,700 ang COVID-19 cases sa Western Visayas.

Base sa Case Bulletin No. 171 subong nga adlaw, 184 ka bag-o nga kaso, 87 new recoveries kag duha ka new deaths ang na-record.

Sa kabug-usan, ang Western Visayas may 7,739 ka COVID-19 cases; 4,271 ang total recoveries kag 120 ang total deaths.

Sa new cases, 156 ang local, 10 ang locally stranded individuals, isa ang returning overseas Filipino kag 17 ang gina-verify pa ang category.

May pinakamadamo nga new cases ang Bacolod City nga may 60; ginsundan sang Iloilo City -48; Negros Occidental -36; Capiz -24; kag Iloilo Province -16.

Na-record naman ang new recoveries sa Bacolod City -54; Negros Occidental -9; Iloilo City -8; Capiz -7; Iloilo Province -6; Guimaras -2 kag Aklan -1.

Samtang isa ang nadugang nga napatay sa Iloilo City kag isa sa Iloilo Province.

Sa 7,739 total cases sa rehiyon, 3,348 pa ang active cases. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.