By: Aine Grace Bravo

ILOILO CITY, September 15, 2020 — 216 ka bag-o nga kaso sang COVID-19, 137 ka new recoveries kag apat (4) ka napatay ang na-record sang Department of Health 6 subong nga adlaw, Setyembre 15.

Sa kabug-usan, nagalab-ut na sa 7,955 ang kaso sang COVID-19 sa Western Visayas –3,423 diri ang active cases; 4,404 ang naka-recover kag 124 ang napatay.

Sa 216 ka bag-o nga kaso, 207 ang local, anum (6) ang locally stranded individuals, duha (2) ang authorized persons outside of residence kag isa (1) ang returning overseas Filipino.

Na-record ang new cases sa Bacolod City -90; Negros Occidental -80; Iloilo City -21; Aklan -14; Iloilo Province -9 kag Capiz -2.

Naghalin naman ang naka-recover sa Bacolod City -83; Iloilo Province -23; Iloilo City -22; Negros Occidental -5; kag Guimaras -4.

Tatlo sa nadugang nga napatay ang taga-Negros Occidental kag isa ang taga-Iloilo Province. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.