By: JoMaque | September 16, 2020

Iloilo City — Nagpositibo sa COVID-19 ang 39 ka mga preso (Persons Deprived of Liberty) sa Iloilo City District Jail -Male Dormitory sa Brgy. Ungka, Jaro.

Suno kay Bureau of Jail Management and Penology 6 Spokesperson Gilbert Peremne, lunsay na-detain sa isolation facility ang mga preso.

Setyembre 6 sang gindala sa ospital ang 31-anyos nga preso bangud nalipong.

Napatay ang natungdan nga preso bangud sang cardiac arrest kag gin-swab.

Setyembre 10 sang naguwa ang resulta nga positibo siya sa COVID-19.

Gilayon naman nga gin-subject sa RT PCR test ang 42 ka mga preso nga upod niya sa isolation facility kag walo ka mga personnel ang gilayon man nga gin-swab.

Sa 42 ka preso nga gin-swab, 38 sa ila ang nagpositibo samtang duha naman ka jail personnel ang nagpositibo man.

Lunsay asymptomatic ukon wala sang sintomas ang mga nagpositibo nga naga-isolate sa jail facility.

Wala pa natul-id kun ano ang source of infection sang 31- anyos nga preso nga una nagpositibo sa COVID-19.

Hulyo 31 sang gin-remit siya sa ICDJ-ML halin sa Iloilo District Jail -Male Dormitory sa Brgy. Nanga, Pototan.

Una siya nga nagnegatibo sa rapid antibody-based test halin sa IDJ-MD.

Ginlockdown ang 35 ka mga jail personnel sa ICDJ-MD kag gina-assess para sa RT PCR test.

Ini ang labing una nga kahigayunan nga nagpositibo sa COVID-19 ang mga preso sa Western Visayas.

Ginabanta 750 ka mga preso ang na-detain sa ICDJ-MD. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply