DOH 6, naka-record sang 265 new COVID-19 cases, 121 new recoveries, 2 new deaths sa Western Visayas; Iloilo City, may 115 new cases

By: Aine Grace Bravo

By: Aine Grace Bravo, Aksyon Radyo Iloilo

ILOILO CITY, September 16, 2020 – Naglapaw na sa 8,000 ang COVID-19 cases sa Western Visayas.

Kasunod ini sang 265 new cases nga gin-report sang Department of Health (DOH) 6 subong nga adlaw.

Gin-report man sang DOH 6 ang 121 new recoveries kag duha (2) ka nadugang nga napatay.

Sa kabug-usan, ang Western Visayas may 8,220 ka kaso sang COVID-19 –3,566 pa ang active cases; 4,528 ang total recoveries kag 126 ang total deaths.

Sa new cases, 252 ang local, pito (7) ang returning overseas Filipinos (ROFs) kag anum (6) ang locally stranded individuals (LSIs).

May pinakamadamo nga new cases ang Iloilo City nga nagalab-ut sa 115. Ginasundan ini sang Negros Occidental –64; Bacolod City –50; Iloilo Province –24; Capiz –9 kag Guimaras –3.

Samtang ang new recoveries naghalin sa: Bacolod City –86; Iloilo City –18; Iloilo Province –9; Capiz –7 kag Antique –1.

May tag-isa ka napatay sa Iloilo City kag Negros Occidental.  | via DOH 6