By: JoMaque | September 17, 2020

Iloilo City — 6, 082 sa 7,955 ukon 77.87% sa na-record nga kumpirmado nga kaso sang COVID-19 sa Western Visayas ang mga ‘local cases’ ukon mga nagpositibo nga wala nakabyahe sa guwa sang rehiyon.

Ini ang base sa data sang Department of Health 6 as of September 15 nga data.

612 naman sa kabug-osan nga numero ukon 7.84% naman ang mga Returning Overseas Filipinos samtang 1,066 ukon 13.65% ang mga Locally Stranded Individuals.

50 ukon mas manubo sa 1% sa mga nagpositibo ang mga Authorized Persons Outside of Residence. 145 ka mga pasyente ang gina-verify pa ang status.

Bacolod City ang may pinakamadamo nga mga local cases nga naglab-ot sa 2,440; ginasundan sang Iloilo City nga may 1,465; 1,241 sa Negros Occidental; 621 sa probinsya sang Iloilo; 196 sa Capiz; 54 sa Guimaras; 33 sa Aklan; kag 32 sa Antique.

Suno kay Dr. Ma. Sophia Pulmones, chief sang Local Health Support Division sa DOH6, madamo sang local transmission kag community transmission rason madamo ang nagpositibo nga wala nakabyahe sa iban nga rehiyon.

Suno sa World Health Organization, ang local transmission nagakatabo kun madamo ang marecord nga kumpirmado nga kaso sang COVID-19 sa isa ka lugar kag ma-angut mo pa ini sa iban nga mga kaso.

Nagakatabo naman ang community transmission kun indi na mahibaluan kun ano ang source sang infection sang mga nagpositibo.

Hulyo 6 pa sang ginkumpirmar ni Dr. Jessie Glenn Alonsabe, regional epidemiologist sa DOH6, nga may low level community transmission sang COVID-19 sa Western Visayas.

Sang Agosto 18 nga data sang DOH6, 2,981 ang na-record nga kumpirmado nga kaso sang COVID-19 sa Western Visayas.

1,512 ukon 51% sang amo nga numero sa amo nga tyempo ang mga local cases sang COVID-19.

Sa sulod lang sang 28 adlaw, halin sa 51%, nagsaka sa 77.87% ang na-record nga mga local cases sang COVID-19 sa Western Visayas.

3,423 ukon 43% naman sa kabug-osan nga na-record nga kumpirmado nga mga kaso ang mga active cases pa ukon wala pa naka-recover. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply