By: JoMaque | September 17, 2020

Iloilo– Patay ang 50-anyos nga driver sang e-bike matapos nabunggUan sang pick-up sa Brgy. PD Monfort North, Dumangas, las-7:20 kaina sang aga.

Suno kay PMAJ Joven Arevalo sang Dumangas MPS, pareho nga pakadto sa direksyon sang Barotac Nuevo sang pick-up nga gina maneho ni Juan Gonzales, 61-anyos residente sang Jaro, kag ang e-bike nga ginamaneho ni Abdahil Deallo, 50-anyos sang Brgy. Jardin, Dumangas. Sa pagpangusisa sang police, gulpi nagliko pa-wala si Deallo rason nga nabungguan sang pick-up.

Napilasan sa ulo si Deallo nga gindala pa sa ospital pero gin-deklarar nga napatay.

Gin-detain naman sa police station ang driver sang pick-up.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply