By: JoMaque | September 17, 2020

Iloilo City — I-report sang Regional Task Force (RTF) COVID-19 sa National Task Force kag Inter-Agency Task Force ang mga local government units nga indi compliant sa issuances may kaangtanan sa COVID-19 response.

Suno kay Ma. Aletha Nogra, spokesperson sang RTF COVID-19, ginatipon pa nila kun ano ang ginapatuman nga mga polisa sang mga LGUs.

Sa inisyal nga impormasyon ni Nogra, ang LGUs sa syudad kag probinsya sang Iloilo ang indi compliant sa gin-issue nga joint resolution sang RTF kag RIATF may kaangtanan sa pagdumala sang mga OFWs.

Base sa Joint Resolution No. 35, indi na kinahanglan nga i-subject sa RT-PCR test ang mga OFWs pag-abot sa Western Visayas kun may negative RT PCR test result sila halin sa port of entry (sa iban nga rehiyon).

Suno sa Department of Health 6, ang DILG amo ang naga-monitor sa mga LGUs. Pero suno kay DILG 6 Director Juan Jovian Injeniero nga chairman sang RIATF, i-refer niya ang non-compliance sa RTF bangud sila ang nagapatuman sang mga polisa kag guidelines. | via Aksyon PM Reports

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply